金田日本料理 (已結業)

點解會講得來不易，因為呢餐係由個外國朋友幫我book位。但因為溝通上既誤會，令到呢餐險些泡湯。=.=好彩，佢地好努力幫我地搵到四個位，唔係既乜都無得食。刺身當然有我最鍾意食既吞拿魚啦，係好新鮮肥美。而三文魚都唔錯，整體上都好新鮮。而媽子最鍾意食甜蝦，因為唔係好多地方有得食。熱食因為都好多野食，我剩係寫印象深刻既薄燒牛肉好似金菇牛肉卷咁，不過包住既係蔥花。食落去係好香口，而且牛肉好淋，好多肉汁"必"出黎。燒羊架呢個真係有水準呀，因為真係無乜羶味。而且個醃味好正，係唔錯既選擇。芝士焗蠔又係好多人食既，不過隻蠔真係好細隻。個主角根本就係白汁芝士，但係咁焗埋一齊，點會難食呢？芝士年糕呢個又係美味之作，因為呢個新鮮炸起不特止，入面芝士仲可以拉到好長，正。炸生蠔唔食都得，因為真係勁細隻。野食真係唔錯，都算物超所值。但員工既語文水平應提升，唔係既會搞出訂位既誤會。