影片
更多
2023-12-11
45 瀏覽
入餐廳時可以選擇除鞋或者用鞋套，餐廳入面嘅裝修都幾靚㗎，觀察咗一輪發現啲貓貓主要分咗三個活動範圍，有鍾意瞓梳化嘅(任摸唔嬲)、挨係中間積木位置(捐窿捐罅可以試吓用𢭃貓棒同佢哋玩)、大樹休息位置(通常瞓喺透明膠可以喺下面望佢哋個pat pat😂)。收費方面每位每小時$78，包一杯飲品(台飲系列+$10玻，璃樽系列+$20)。不過如果客人點一份食物，第二小時免收費。平日12至2pm及6點以後：特設套餐優惠，每位客人繁惠顧午/晚市套餐即免按時收費及無限時同貓貓玩😍。我同男朋友今次就叫咗#晚市三道菜套餐($238)，包前菜、主菜、甜品同飲品一杯🫶🏻。🥗#前菜前菜分別有田園沙律或南瓜甘筍湯。#南瓜甘筍湯 味道濃郁，甘筍同南瓜兩者味道同樣突出，質感相對杰身唔會水汪汪👍🏻。🥘#主菜主菜款式眾多，梗有一款啱你胃口，例如意粉、薄餅、漢堡、牛扒等等。不過當中有啲款式係需要另外加錢嘅。最後我哋揀咗：#帶子蒜香忌廉意粉 (另加$30)，蒜香味主要嚟自上面嘅蒜粉，不過比起蒜香我覺得忌廉汁味道更濃，食起上嚟creamy得嚟又黏口🤣。最誇張係上面有三粒大大粒嘅帶子😲！表面有少少淺啡色嘅焦，但質感軟滑軟腍似刺身。#頂
收費方面每位每小時$78，包一杯飲品(台飲系列+$10玻，璃樽系列+$20)。不過如果客人點一份食物，第二小時免收費。
平日12至2pm及6點以後：特設套餐優惠，每位客人繁惠顧午/晚市套餐即免按時收費及無限時同貓貓玩😍。
我同男朋友今次就叫咗#晚市三道菜套餐($238)，包前菜、主菜、甜品同飲品一杯🫶🏻。
🥗#前菜
前菜分別有田園沙律或南瓜甘筍湯。
#南瓜甘筍湯 味道濃郁，
甘筍同南瓜兩者味道同樣突出，
質感相對杰身唔會水汪汪👍🏻。
🥘#主菜
主菜款式眾多，梗有一款啱你胃口，
例如意粉、薄餅、漢堡、牛扒等等。
不過當中有啲款式係需要另外加錢嘅。
最後我哋揀咗：
#帶子蒜香忌廉意粉 (另加$30)，
蒜香味主要嚟自上面嘅蒜粉，
不過比起蒜香我覺得忌廉汁味道更濃，
食起上嚟creamy得嚟又黏口🤣。
最誇張係上面有三粒大大粒嘅帶子😲！
表面有少少淺啡色嘅焦，但質感軟滑軟腍似刺身。
#頂級西冷牛扒 (另加$108)，
賣相非常不錯，有燒烤爐嘅格仔紋。
五成熟嘅牛扒切開入面見到中間位置粉嫩多汁，
而且牛肉味濃郁得黎油脂味好香。
配菜有番薯條同沙律菜，
所以呢個價錢絕對抵比，食完好滿足😚。
🍨#甜品
#比利時雞蛋仔
香脆熱辣辣嘅雞蛋仔，大大粒圓轆轆🤩，
一碟差唔多有十粒，食落外脆內軟，
有少少甜味，朱古力醬再多啲就更加正。
#窩夫雪糕波波(另加$38)
除咗窩夫同兩球雪糕外，旁邊仲有少少生果。
凍冰冰嘅雪糕配上熱辣辣嘅窩夫，
口感又凍又熱幾刺激。
特別要提一提個雪糕，
其中一球係比較少見嘅青檸雪葩，
酸酸甜甜我幾鍾意🤪。
#飲品
飲品方面雖然本身包咗咖啡或茶，
但如果想試下其他特飲都可以加錢轉配。
種類都幾多嫁，咖啡仲有得拉花添！
我哋就叫咗一杯#蜂蜜白提爽 (另加$10) 同熱latte。蜂蜜白提爽飲落唔會好甜幾清新。Latte隻杯都幾大下😂，奶味比較重。
#小食拼盤 ($188)
拼盤共有六款小食，有炸魚條、蜜糖串串雞、洋蔥圈、薯條、紐倫堡腸同沙律。
每款至少有兩至三件，同朋友分享就啱哂。
炸魚條同洋蔥圈外層好脆，係兒時味道🤣。
(可以點茄汁或泰式辣醬)
另外蜜糖串串雞嘅蜜糖落得比較多，
食起上嚟甜咗少少😝。
至於紐倫堡腸同埋沙律不過不失正正常常。
啲貓貓唔怕人又唔惡，餐廳比佢哋嘅自由度都好大，有時佢哋仲會跳上你張枱互動同埋主動坐客人隔離。加上食物水準都好OK，絕對鼓勵鍾意貓貓嘅人上嚟探下佢地🥰。
張貼
