Little Vegas

營業中

休息中

百樂中心等lift上到25樓，人都唔少，入到去見到裝修都幾特別，連枱面都係馬賽克。每人最低消費係一杯飲品，就叫左秘密花園水果茶（$68）同命運花茶（$48）。水果茶極大杯，兩個人飲都夠，朋友見到都嚇親，相對比較甜；命運花茶就係普通熱嘅花茶，都幾香。因為事前食左下午茶，無叫太多野食，就叫左海洋生物沙律（$114）同秘製醬汁焗豬肋骨（半份，$118）。海洋生物沙律份量唔算好多，但蝦同魷魚都新鮮好好食。而秘製醬汁焗豬肋骨肉質軟腍，食食下都忍唔住用手攞住食（記住消毒先呀大家），醬汁酸甜開胃，薯角有部份被壓住，但都幾脆，非常惹味。