影片
更多
2023-10-29
86 瀏覽
Neko Puff📍銅鑼灣霎東街33號智選假日酒店地下G04B號舖今年老爸生日，我特登搵咗好多間蛋糕店比對，終於比我揀到呢一間世一拿破崙蛋糕店，揀咗個靚靚蛋糕同佢慶祝生日。相信鍾意食拿破崙嘅大家對呢間貓貓主題嘅拿破崙甜品店應該唔會陌生，除咗因為佢既似畫廊，又似甜品店之外，就係因為佢嘅拿破崙真係非常出名，攞咗世界冠軍，以港法酥皮為特色做主打！都未食，淨係睇相同埋實物都已經流晒口水啦！ 💰$318韓國草莓麻糬拿破崙 🍓🥐為咗保持神秘感，一開始俾老爸揀口味嘅時候，無提及到係拿破崙蛋糕嚟嘅，於是佢就按佢嘅口味揀咗韓國草莓麻糬，雖然我自己就會想試吓一啲特別啲嘅口味，例如無花果，但係既然係老爸生日自己揀嘅，就順下佢意啦！呢款一磅裝嘅韓國草莓麻糬拿破崙鋪滿香韓國草莓，三層鬆化嘅酥皮之間夾住濃香幼滑嘅秘製法式忌廉，內層仲夾有煙煙韌韌嘅抹茶麻薯，層次非常豐富。得獎拿破崙嘅過人之處就係港式同法式嘅融合，將兩種酥皮嘅優點混和，發揮得淋漓盡致！酥皮食落鹹鹹哋，因為店家採用咗岩鹽調味；酥皮可以做到酥脆而不易碎，因為選用咗優質嘅法國牛油。整一份拿破崙用嘅酥皮工序繁複，由搓皮到焗起只少要6個鐘，而且佢哋無用到吉士忌
📍銅鑼灣霎東街33號智選假日酒店地下G04B號舖
今年老爸生日，我特登搵咗好多間蛋糕店比對，終於比我揀到呢一間世一拿破崙蛋糕店，揀咗個靚靚蛋糕同佢慶祝生日。相信鍾意食拿破崙嘅大家對呢間貓貓主題嘅拿破崙甜品店應該唔會陌生，除咗因為佢既似畫廊，又似甜品店之外，就係因為佢嘅拿破崙真係非常出名，攞咗世界冠軍，以港法酥皮為特色做主打！都未食，淨係睇相同埋實物都已經流晒口水啦！
[價錢 Price]
💰$318
韓國草莓麻糬拿破崙 🍓🥐
為咗保持神秘感，一開始俾老爸揀口味嘅時候，無提及到係拿破崙蛋糕嚟嘅，於是佢就按佢嘅口味揀咗韓國草莓麻糬，雖然我自己就會想試吓一啲特別啲嘅口味，例如無花果，但係既然係老爸生日自己揀嘅，就順下佢意啦！
呢款一磅裝嘅韓國草莓麻糬拿破崙鋪滿香韓國草莓，三層鬆化嘅酥皮之間夾住濃香幼滑嘅秘製法式忌廉，內層仲夾有煙煙韌韌嘅抹茶麻薯，層次非常豐富。
得獎拿破崙嘅過人之處就係港式同法式嘅融合，將兩種酥皮嘅優點混和，發揮得淋漓盡致！酥皮食落鹹鹹哋，因為店家採用咗岩鹽調味；酥皮可以做到酥脆而不易碎，因為選用咗優質嘅法國牛油。整一份拿破崙用嘅酥皮工序繁複，由搓皮到焗起只少要6個鐘，而且佢哋無用到吉士忌廉，反而選擇咗以冷空氣代替吉士粉發打，既做到挺身嘅效果又唔會有坊間拿破崙咁油膩，加上係日日新鮮喺店內廚房即叫即焗，即使單價貴過平時嘅甜品店，但淨係食手工同心機都算超值！
今次真係非常之有驚喜，就連唔鍾意食拿破崙嘅媽咪都話好食，阿妹就話蛋糕唔油膩，我朋友呢就話個麻糬係成個蛋糕畫龍點睛嘅地方，最重要係老爸食後好開心，總言之大家都好評滿滿啦！下次我會想試吓其他口味，或者獨立件裝嘅迷你拿破崙，食過嘅大家又會推介我食咩味呢？
張貼
