貴緣小鍋米線 (崇潔街) (已結業)

最近一直忙碌，稍為得閒啲就想去食碗米線。附近連鎖店嘅米線有時實在令人有啲奄悶，所以都係去遠少少，過嚟土瓜灣呢邊食碗真材實料嘅米線吧！我哋土瓜灣站D出口出，一路沿住大馬路行，去到啟岸嗰邊過兩個街口就係崇潔街，裡面呢檔食返碗人氣高質米線。我哋用手機落單，兩碗三餸米線，食到飽飽，好滿足！幫襯得街坊小店，就唔係嚟食裝修，雖然店面殘舊，但嘢食好味搭救。我點咗豬大腸，豬軟骨和豬紅。豬軟骨的軟骨部分炆得超稔而且好入味。老公鍾意食素，佢就揀咗螺旋藻，冬菇皇和蘿蔔。冬菇皇超級厚肉又入味，好食！另外，兩款小食蒜泥白肉肉和蒜香醬油單骨雞翼令人欲罷不能，屬必點小食！