西苑酒家 (已結業)

雖然經過這店無数次, 但就只是經過而已, 適逢這天窮鬼闊太叫食午餐, 佢話要試呢間”西苑”! 因為佢喺這店嘅太古城店食過晚飯, 感覺好滿意咁話, 我地無意見咪試下囉! 來到才知道這店只在星期日,公眾假期先做茶市點心, 平日係無點心食, 唔知叫好彩定唔好彩嘞! 這裡茗茶$15/位, 酸菜$15/碟, 小點$26, 中點$30, 大點$35, 頂點$39西苑蝦餃皇 $58 呢個價錢都可以稱皇囉, 無疑外型的確工整而且外皮乾爽, 餡料非常充實, 蝦肉沒太多調味料的痕蹟, 突出到蝦肉嘅鮮味, 加埋一每隻蝦餃接近$16, 可能好多客人會覺得合理都唔定,但自已則有保留,蜜汁义燒飽(小) $26 同樣工整的三個, 义燒餡都好好味,上海炸春卷(大) $35 三條春卷的炸色都好統一, 其實同上海無任何關係, 尺寸唔係,內餡都唔似, 就當是粵式春卷吃吧,山竹牛肉球(頂) $39 這是食過嘅牛肉球被定性為”頂點”這都是頭一趟, 的確這牛肉球有牛肉嘅味道, 質地比平時的有咬口,黃金炸煎堆(中) $30 這個的而且確是炸煎堆, 一拿出來是相當夠”視覺效果”的, 剪開後只不過三塊簿簿嘅炸皮, 最吊軋的是咬下去嘅口