永華日常 (利東街)

營業中

休息中

今日食邪惡下午茶，嗌咗一整舊，黑萌萌的長嘆西多士，另外再嗌咗沙嗲牛肉公仔麵下午茶餐，配果醬牛油多士，仲要飲熱鴛鴦走（即加煉奶）。勁！長炭西多士，上面有溶緊嘅牛油，已經感覺到邪惡。切開，裏面有棉花糖，粗粒花生醬及少少牛油。食落口，感覺麵包非常非常之鬆軟，日式麵包的級數，配搭花生醬及溶溶地的棉花糖，效果相當唔錯，有驚喜。認真食落，這舊黑色西多士，不像傳統西多士般口感邪惡。傳統西多士，麵包上的蛋漿，充分吸收了勁多的牛油及糖漿，內𥚃是花生漿，盡是邪惡的口感。但這黑色長炭西多士，反而感覺較少負擔，但又都好味，滿足到需要邪惡食物的心理安慰。得！沙嗲牛肉公仔麵下午茶餐，樣樣都正正常常，冇乜特別。