影片
更多
2019-09-14
3660 瀏覽
超級難吃，一試難忘，仲夠膽收咁貴價錢，真係唔明老闆冧咩！唔通真係當香港食客全部都係豬頭？中秋晚冧住去大坑睇火龍，經過石記廚房，見門面有D傳統中式小店feel，入去。冇訂枱，不幸竟然有張2人枱可坐，咁就中伏了。睇餐牌，偏貴，炒青菜都收你百幾蚊，自然對出品有好大期望。落單唔夠兩分鐘說上菜，唔係馬，咁快？先來所謂陳皮喼汁金沙骨，一個小碗裡胡亂堆上7，8粒跟我手指尾差不多大小的豬骨，下墊以幾塊生菜，賣相零分。入口，一陣酸醋味直衝喉嚨，點都試唔出邊度有陳皮同喼汁嘅味道！仲有，骨多肉少，每舊都只係可以用門牙輕咬，我嘅大牙有咩用呀！大佬，呢個菜你收人168蚊㗎，點可以求其成咁！再來一個所謂上湯中蝦煎米粉，可以入口，但味道欠奉，睇清楚，原來餐廳吹噓自己不落味精，你咬佢唔入。不過食晒全碟米粉，仍然唔飽 ，你可以想像食物嘅份量有幾大。但呢碟嘢收人318蚊，食水都幾深。對呢間餐廳唯一冇意見嘅係冇收你茶錢同加一。食呢餐接近5舊水，出門口仲要再掃街先夠飽。經此一役，以後唔敢未睇食評就亂去食店幫2襯了！
中秋晚冧住去大坑睇火龍，經過石記廚房，見門面有D傳統中式小店feel，入去。冇訂枱，不幸竟然有張2人枱可坐，咁就中伏了。睇餐牌，偏貴，炒青菜都收你百幾蚊，自然對出品有好大期望。
落單唔夠兩分鐘說上菜，唔係馬，咁快？
先來所謂陳皮喼汁金沙骨，一個小碗裡胡亂堆上7，8粒跟我手指尾差不多大小的豬骨，下墊以幾塊生菜，賣相零分。入口，一陣酸醋味直衝喉嚨，點都試唔出邊度有陳皮同喼汁嘅味道！仲有，骨多肉少，每舊都只係可以用門牙輕咬，我嘅大牙有咩用呀！大佬，呢個菜你收人168蚊㗎，點可以求其成咁！
再來一個所謂上湯中蝦煎米粉，可以入口，但味道欠奉，睇清楚，原來餐廳吹噓自己不落味精，你咬佢唔入。不過食晒全碟米粉，仍然唔飽 ，你可以想像食物嘅份量有幾大。但呢碟嘢收人318蚊，食水都幾深。
對呢間餐廳唯一冇意見嘅係冇收你茶錢同加一。食呢餐接近5舊水，出門口仲要再掃街先夠飽。
經此一役，以後唔敢未睇食評就亂去食店幫2襯了！
張貼