豪大大雞排 (已結業)

食過劣食後氣憤不平，於是帶著柑太行去附近既豪大大食番塊雞補償。睇完餐牌點左兩塊椒鹽雞塊，其實點五塊會平均$7一塊，但因為之前既飯仲墜住，只可以一人一塊。等待期間發覺不斷有人取外賣，相信附近有不少人都點了雞後，行開一陣先黎取雞，始終天后太多美食，每樣試一款都有排食。等到我地既雞出炸爐，即時行到一旁，囉一塊出黎影下。呢塊先係炸雞黎架！用上脾肉，上粉炸好再上椒鹽，食落係外熱內香，肉質嫩滑有汁，一件雞敵得住人地四件雞有餘啦。食完呢兩件雞，之前一肚怒火先開始平消，但又要拖住肥胖既身軀去減肥啦。