影片
更多
2017-04-10
458 瀏覽
今日同好姊妹慶祝生日，揀咗一間情調好好嘅德國餐廳，預先預訂左位置，一想到佢已經滿左坐啦。我哋一行四人一口氣叫咗好多食物，包括有沙律、前菜、湯、主菜、飲品同埋甜品。飲品先來，藍色嗰杯叫做Tiffany blue,因為咁岩壽星都叫Tiffany,梗無要叫一杯，顏色好吸引，飲落有酒香，同埋有少少果香，唔會太甜，色香味俱全。荔枝蘋果特飲雖然個樣就冇咁靚，但係我反而鍾意呢杯個味道多啲，除咗有荔枝蘋果嘅清香，仲有好多嘅荔枝肉，飲落好有咬口！仲有兩杯特飲都幾好味，一杯係士多啤梨，另一杯係薄荷湯有兩種，一種係海鮮清湯，另一種係薯仔湯，清湯比較淡口，但有好多海鮮料，個人比較鍾意薯仔湯，佢將啲薯仔打爛咗，飲落好有質感，不過飲完都飽飽地。沙律叫做溫泉蛋ham,哩個配搭好難唔好食，溫泉蛋十分漏心，ham都唔會太咸希靈魚配紅菜頭汁蘋果碎，哩個我係試，因為我本新唔食希靈魚，不過朋友就好中意希靈魚腥腥地既味道，加埋蘋果好開胃食德國野又點可以唔食香腸呢，一盤香腸有齊七隻味道，每一條香腸我哋都有試過，各有特色，餐廳將香腸焗到好香脆，配埋酸薯仔食停唔到今次特別啲，冇叫豬手，但係叫咗燒乳豬，效果反而比豬手更好，冇咗啲骨膠原
飲品先來，藍色嗰杯叫做Tiffany blue,因為咁岩壽星都叫Tiffany,梗無要叫一杯，顏色好吸引，飲落有酒香，同埋有少少果香，唔會太甜，色香味俱全。荔枝蘋果特飲雖然個樣就冇咁靚，但係我反而鍾意呢杯個味道多啲，除咗有荔枝蘋果嘅清香，仲有好多嘅荔枝肉，飲落好有咬口！仲有兩杯特飲都幾好味，一杯係士多啤梨，另一杯係薄荷
湯有兩種，一種係海鮮清湯，另一種係薯仔湯，清湯比較淡口，但有好多海鮮料，個人比較鍾意薯仔湯，佢將啲薯仔打爛咗，飲落好有質感，不過飲完都飽飽地。
沙律叫做溫泉蛋ham,哩個配搭好難唔好食，溫泉蛋十分漏心，ham都唔會太咸
希靈魚配紅菜頭汁蘋果碎，哩個我係試，因為我本新唔食希靈魚，不過朋友就好中意希靈魚腥腥地既味道，加埋蘋果好開胃
食德國野又點可以唔食香腸呢，一盤香腸有齊七隻味道，每一條香腸我哋都有試過，各有特色，餐廳將香腸焗到好香脆，配埋酸薯仔食停唔到
今次特別啲，冇叫豬手，但係叫咗燒乳豬，效果反而比豬手更好，冇咗啲骨膠原，但多咗肉食，外皮烤得勁脆，加埋一啲炸左既薯條圈，雖然熱氣，但係都食左好多
加左個黑松露雜菌意粉，味道不過不失，如果加多啲黑松露會更香，不過值得一讚嘅係佢個意粉，滑到不得了。
仲要多咗個煙肉忌廉粒粒意粉，呢隻意粉我好鍾意食，佢係一粒粒但係好煙韌，加埋煙肉忌廉醬汁做得非常出色，我都食咗好多
最後叫咗個甜品拼盤同埋apple crumble,芝麻芝士餅好香好香芝麻味，餅底夠厚，不過如果落少啲魚膠粉會更滑口，榛子焦糖燉蛋呢，就無乜焦糖味，不過啲蛋勝在夠滑。apple crumble好好味,好大兜，cream sauce 夠多，淋上crumble面，加埋肉桂，香到爆
最後每人大約四百蚊多d,其實好抵，因為全部都係散叫，而且叫咗好多，食到我哋都好飽，下次唔使叫咁多，應該會更抵食
張貼
