Bierhof (已結業)

香港人飲酒，都會搵d野食送，可能近年香港興攪啤酒節，我都染上左食豬手腸仔架習慣。係太子新開，就試下幫襯有好多唔同類腸仔，仲有意粉等電視睇足球，不過呢期無乜大比賽叫份先， 腸有兩款都是特長身，白色混入了香草及肥肉粒, 夠熱那香草味更出眾，腸衣脆身。紅色是辣肉腸，我唔算食得辣，舌頭都麻了，趕緊伴以酸菜平衡。豬手起曬肉，皮好似食乳豬咁脆卜卜又唔油，不過豬手層膠質無乜，可能講求健康吧！不過我呢d唔怕死預左通波仔架人，好味先 最緊要。鹹鹹地用來配啤酒一絕，無影到酒架相，德國麥啤用左長身杯，都幾抵飲。呢個鵝肝岩岩新加，好彩比我食到，因為有好多水果好似藍莓，桃片，甜味同水份可以中和下油膩架肝，下面仲有名貴架煎帶子，大粒外層煎封中間是生，有刺生般柔軟口感又厚肉，仲加埋魚子醬，問你死味，估唔到酒吧竟然有名貴菜式，唔講以為我食緊法國菜頂啦！叫份來試試當開眼界見識都好，不過食高級鵝肝你話有杯紅酒配就更好。環境係太子區叫出眾，發掘到呢個新場下次可以叫一大班朋友落來睇波飲酒同食野。