阿媽正宗海南鷄 (已結業)

仲諗緊點同鐘意嘅人表白？🙉 一於帶佢嚟食個海南雞飯啦😝！話說小編最近係黃埔番工較多，無意之中發現呢個幾得意嘅雞飯，於是都分享一下～😂呢度嘅雞油飯都係心形🧡，幾得意㗎！😌 餐廳菜牌嘅選擇唔多，專注賣海南雞飯。味道方面，小編覺得肉質幾嫩滑，但偏瘦，唔係肥脂加啖啖肉果種，而係咬落去比較有彈性果種。🐓雞肉份量亦不少，另外加錢可以轉雞髀🍗。雞油飯落咗唔少嘅紅蔥頭，令香味大大提升咗。碗湯🥣都有加分，🦴雞骨味濃，清但不淡味，米酒味幾重，幾好飲。三色醬入面嘅辣醬比較差，係現成買返嚟嘅泰式辣椒醬，而唔係用新鮮生蒜同辣椒🌶️製成。