聰。C Dessert

營業中

休息中

以前住將軍澳嘅時候同朋友食飯，我哋一定會去聰嫂食糖水，每次都會食佢嘅龍眼冰，之後冇咗一直都好想食，原來朋友同我講而家喺灣仔開咗一間，即刻約朋友去食，星期日嘅下晝去門口已經有成30個人等，真係超級多人，見到好多人都會買外賣係出面食。龍眼椰果冰呢一個係佢哋嘅招牌，基本上好多人都會叫，龍眼味道清甜，用咗大量龍眼去整成，夏天食真係一流，龍眼肉加上椰果再有西粒，一啖食落去口感豐富。麻糬紅豆抹茶雪糕窩夫麻糬煙煙韌韌，紅豆香甜，抹茶雪糕茶甘濃，牛角包酥脆可口。