大戶屋 (已結業)

今日去完電腦節, 食番late lunch. 之前想試吓呢間大戶屋.咁就去咗. 2時過後雖然冇人排隊, 仍然好多人在內. 點了滑蛋炸豬扒盒上. 第一啖不錯, 豬扒有香味又淋. 醃菜醒胃. 湯只屬一般. 但係吃到一半, 有魔童及其父母殺到 (下面詳情), 心情煩燥下越食越淡, 要落豉油才有咸味. 人手不足, 半小時都冇人沖第2次茶, 埋單的人好似游魂, 要叫2次才埋到單.題外話: 魔童及其父母食到一半時, 喊聲到, 一對父母帶囡囡(約2歲)入來, 個女一路喊完全冇停過, 佢坐在我後面好似立體聲, 旁人側目. 我非常燥再轉身望了人哋父親3次都冇反應(雖然他安撫囡囡, 但係完全冇用, 又唔帶囡囡暫時離開). 完全不理其他食客感受. 喊咗7-8分鐘後(係, 完全冇停過), 她母親終於抱囡囡暫時離開, 我終於可以食完飯. 等埋單時, 囡囡又回來, 本來停了的喊聲又來, 母親又要出去. 其間職員都唔理. 我都明白小朋友好難control, 但係父母可以暫時帶佢出走廊又不騷擾其他食客.果然適合一家大小, 太嘈了. 我都唔會再去lu~~