隨然有機玄米菜食料理 (已結業)

尖沙咀好少純素餐廳，今日Green Monday見到呢間餐廳樓下嘅餐牌，有洋式及日式套餐，個樣睇落幾精緻，於是被吸引左上去。地方都幾大，不過可能新開張嘅關係，連埋我只有三台客。我點左一個洋式套餐，有漬物，沙律，麵鼔湯，意粉同一個乳酪甜品。味道方面以清淡為主，平時食開素嘅會覺得好啱口味，如果嫌佢太淡可以問佢攞啲鹽。最緊要食材好新鮮，感覺佢好俾心機去鑽研純素嘅食物，而且唔係假西餐。我自己最喜歡個湯，幾鮮味，好飲過好多日式餐廳。而個意粉嘅質感做到好creamy, 但一啲都唔油膩，不錯不錯。我見到係OpenRice ,佢只有一個負評，而且關於服務，感覺對佢嘅食物有啲唔公平，希望多啲人支持佢。我去嘅時候帶住BB ,雖然佢係自助形式，但是待應都好體貼，幫我落單同斟水，所以我覺得佢服務幾好幾貼心。如果你係尖沙咀，又想食得健康啲，呢間餐廳會係唔錯嘅選擇。