花果山 (已搬遷) 新店位置

旺角廣華街一帶全部都被街頭小吃同台式茶飲佔據曬～對選擇困難患者黎講可能唔係好事😂事關選擇真係好好好多⋯⋯不過其實細心啲睇，間間都有獨特之處，主要都係睇返自己嘅喜好黎揀，好似我個人好多時都鍾意飲簡單清茶，芝士奶蓋、珍珠⋯⋯唔係唔好，只係我通常係食飽左先飲，所以只飲得落清茶😅行完成條街最後揀左無論門面同內部裝潢都好清新嘅『花果山』一入到去感覺好舒服，成個環境同『花果山』好夾👍🏼佈置得好細緻睇得出店家嘅用心講返杯飲品，一開始係睇到玫瑰山楂蜜先嘅，不過後尾俾個「👍🏼」吸引左，所以最後揀左玫瑰龍眼蜜😅飲落無想像中咁滋潤，反而可能蜜糖落重手左，令到成杯野太甜，甜到⋯⋯飲完會想飲杯水沖一沖個口嗰種😕不過除左裝飾抵贊，店員服務都好友善，有機會會試埋其他飲品💕