心夜來潮 (已搬遷) 新店位置

琴晚真係心血來潮就黎左心夜來潮食潮州菜，價錢實惠又飽肚。菜脯蛋煎得很香而唔會太老，但菜脯份量係好夠。菜茶我係第一次食，原來係將d菜切細，伴以脆米、菜脯一齊食，簡單得黎又幾夾！手打大魚蛋味道好似鯪魚球，彈牙又鮮味，外面更加係酥脆既！粥的配料可以自由搭配，我地揀左大膏蟹！蟹膏散落於全鍋粥當中，蟹肉鮮甜！另外我地重加左田雞同1隻元貝。綿綿既粥底，雖然係細size，但都已經夠分6-8碗啦！粥底係唔洗錢既，淨係配料要續樣計錢，夠150蚊就可以成粥，夠280蚊就自動升級做大粥。