海鮮島海鮮酒家

營業中

休息中

前排天氣好好果陣去左行釣魚翁加布袋澳食海鮮！呢到海鮮真係唔錯，又無西貢果啲海鮮餐廳咁商業化。呢到得2間海鮮餐廳，我就鍾意呢間海鮮島啦。$208 花雕蛋白蒸蜆，蛋十分滑，蜆大大粒，入口有花雕味👍🏻$168 魚翁蜆皇湯，呢個係胡椒味既湯，有十零粒大蜆，豆腐同粉絲，但食落一般，無乜特別。$38隻，粉絲蒸扇貝，心叫！大大隻扇貝食落啖啖肉！👍🏻$38隻，豉椒炒蟶子，都係必叫！大大條蟶子！👍🏻$88 咸魚雞粒炒飯，個飯炒得粒粒分明，唔錯！呢餐埋單$700,我地2個人食到超飽，1人$350都係合理價錢。但其實份量係可以3個人食既。