GoNuts. (已結業)

放假去將軍澳南近海邊地方chill下，之前去過呢間餐廳食下午茶，佢杯咖啡同個梳乎厘pancake都好質，今次就過嚟試下dinner。食物以fusion為主，中西合璧。白松露油野菌貓耳朵意粉+四川醬煎雞扒（$158）用咗白松露油炒香嘅野菌好香，貓耳朵有啲驚喜，咬落去帶韌感。仲可以加錢叫塊煎雞扒，雞扒做法一啲都唔馬虎，食落有四川麻味，大大塊又juicy，值得嗌👍🏿娘惹咖哩蟹肉配蒜蓉法包（$288）呢個大推🔥Cafe已經好少有呢個菜，呢度仲要整得好高質！個咖哩份量多而且係爆多蟹肉，配上香脆嘅蒜蓉法包超夾，每塊法包都可以放勁多蟹肉係上面。多人分享驚唔食仲可以加錢要多條蒜蓉法包😍。個咖喱味道係幾辣，但就非常惹味，但怕食辣嘅朋友就未必啱。