喜洋洋美食

營業中

休息中

我哋一向支持有香港特色嘅小店，但近幾年小店越來越少，部份結業，有啲比財團收購，質素每況愈下。今次係葵興食到嘅小店，可以話係抵食夾大件！ 鹽酥雞係依度嘅招牌小食，老闆娘話學生放學最鍾意就係食佢！味道的確一流，炸粉嘅厚度剛剛好，食落去啲雞肉都幾嫩，亦唔會太咸。黎到必食！我哋每人叫咗一碗車仔麵。蘿蔔炆得非常入味，絕對要試一試！個牛筋同牛腩亦都夠晒淋。韭菜豬肉餃餡料十足，非常美味！最令人開心嘅係，唔使嗌時菜而兩碗都有菜，令整碗車仔麵變得更健康。衷心希望小店能夠生意興隆，繼續為街坊提供抵食夾大件嘅香港地道美食。