洋食商店 (利奧坊)

營業中

休息中

洋食商店餐廳行復古日本風，內裏嘅裝修有好多得意元素，有好多燈籠，又有d日本舊招牌、海報，成間店好colourful令人入到黎好開心！另外呢間西日居酒屋好好服務🫶🏼我地order左個壽喜燒套餐，所有野食都有店員喺你面前幫手燒埋/淥埋，我地只係坐定定就有得食喇！美國極黑牛頸脊&岩手縣和牛都好濃牛味，本身牛嘅油花分佈得好靚，然後店員又幫我地燒得好靚！仲提供埋濃香日本生雞蛋可以點黎食小食有明太子玉子燒、燒牛舌同熟蠔，覺得呢度啲蛋製品好出色，個玉子燒蛋味好濃，面頭嘅明太子醬有微微炙燒，再舖上大量蟹籽，勁正！牛舌同蠔都幾大份，性價比幾高！最後會有個黑松露燉飯，都係店員喺面前幫埋我地煮。壽喜燒原來用黎煮黑松露燉飯係咁夾！甘甜咸香，味道上好有層次感！呢個西日fusion risotto好值得一試！！