法國飯店

營業中

休息中

今日daddy難得放假，車左我入屯門食Le Bristol。原來daddy之前已經同媽咪兩個撐枱腳食咗幾次，超好味所以今日襯媽咪同朋友出街帶我過黎大飽口福！😎Daddy大力推薦香脆焗深海鱈魚柳配南瓜蓉忌廉汁🎃🐟，鱈魚焗得好香脆鮮甜，d魚油流哂落蘆筍，超惹味！加埋南瓜蓉忌廉汁，creamy得黎仲令鱈魚嘅鮮味更上一層樓！Daddy再推介炭燒西班牙黑豚鞍排🐗，炭燒味好香好吸引，黑豚鞍排口感柔軟，濃郁既豚肉味，表皮燒得乾身又有炭燒香味，肉質仲有好飽滿既肉汁，好好味！Daddy真係無介紹錯！黑松露野菌湯，口感濃郁香滑，喜歡菇類既朋友必定大愛！Daddy呢間必回頭既法國菜一定要介紹俾大家認識，真係太好味啦！所有食物都好用心烹調，真係必回頭既法國菜！😋