影片
更多
2017-08-14
689 瀏覽
未來99生日指定要食韓國野。韓國野真係考起我，因為喺我印象韓國野係貴夾唔飽嘅韓燒、熱氣到爆嘅炸雞、屋企都煮到嘅部隊鍋或者平平無奇嘅石鍋飯，都唔知有乜好食。即刻搵食家介紹，就黎咗呢間狎鷗亭居酒屋。先上菠蘿椰子麗塔解解渴。本身睇到張相係沙冰咁嘅樣就已經非常hesitate，因為唔太喜歡太冰凍，但太口渴所以照搏一捕！點知比我搏到原來唔係沙冰，仲要冰涼感係剛剛好！菠蘿加椰子少少甜味，配埋Hite嘅小小酒味，非常適合女仔口味！韓式炸醬麵啲醬料好夠，不過麵嘅份量就少啲，夾兩碗就無晒，攪到我淨係食到料。我食到有薯仔同疑似冬菇片，炸醬味道又甜甜地，清清涼涼，幾開胃。平常食炒雜菜粉絲，味道好分離。雜菜還雜菜，粉絲還粉絲。呢度嘅炒粉絲，係表現到何為融入，原來粉絲都可以入味。烤豬肉係驚喜，無諗過豬肉都有鬆軟嘅肉質但絕對唔係梳打粉嗰種質素。韓燒烤肉唔洗自己烤，仲可以用埋生菜同辣醬包。燒過嘅豬肉，加埋燒醬，係帶出到豬味。辣鮑魚海鮮鍋係誠意之作，因為海洋份量好足。除咗鮑魚，仲有原隻蟹、蝦、魷魚、三文魚、扇貝、青口，仲有少量蔬菜蘿白、金菇同蘿蔔。就咁列晒有咩料出黎都覺得勁滿足！雖然係叫辣海鮮鍋，但係佢其實唔係好辣，
先上菠蘿椰子麗塔解解渴。本身睇到張相係沙冰咁嘅樣就已經非常hesitate，因為唔太喜歡太冰凍，但太口渴所以照搏一捕！點知比我搏到原來唔係沙冰，仲要冰涼感係剛剛好！菠蘿加椰子少少甜味，配埋Hite嘅小小酒味，非常適合女仔口味！
韓式炸醬麵啲醬料好夠，不過麵嘅份量就少啲，夾兩碗就無晒，攪到我淨係食到料。我食到有薯仔同疑似冬菇片，炸醬味道又甜甜地，清清涼涼，幾開胃。
平常食炒雜菜粉絲，味道好分離。雜菜還雜菜，粉絲還粉絲。呢度嘅炒粉絲，係表現到何為融入，原來粉絲都可以入味。
烤豬肉係驚喜，無諗過豬肉都有鬆軟嘅肉質但絕對唔係梳打粉嗰種質素。韓燒烤肉唔洗自己烤，仲可以用埋生菜同辣醬包。燒過嘅豬肉，加埋燒醬，係帶出到豬味。
辣鮑魚海鮮鍋係誠意之作，因為海洋份量好足。除咗鮑魚，仲有原隻蟹、蝦、魷魚、三文魚、扇貝、青口，仲有少量蔬菜蘿白、金菇同蘿蔔。就咁列晒有咩料出黎都覺得勁滿足！雖然係叫辣海鮮鍋，但係佢其實唔係好辣，係少少辣刺激到啲鮮味出黎。海鮮方面，大部份都新鮮嘅，唯獨蟹係有少少 太熟，令到啲肉好散。成餐飯最滿足係呢個海鮮鍋！
辣鮑魚海鮮鍋
33 瀏覽
1 讚好
0 留言
未來99好滿意呢餐飯呢！呢個海鮮鍋相信會係我encore 嘅原因。
張貼
