丼燃食堂

營業中

休息中

唔講唔覺，響旺角花園街主打日式丼飯既丼燃食堂開左３年喇！剛開始時，係被佢裝修吸引，食過之後係被佢味道吸引。店內有兩款火炙壽司卷，在上菜時，店員會在客人面前點火，視覺效果一流，每次黎都係必點，好食之餘仲非常適合打卡。金龍卷由炸鰻魚炸蕃薯同青瓜絲捲成，即叫即炸即捲，有炸物既脆口同蕃薯既甜味，加青瓜絲既爽，口感味道豐富。更喜歡既係焦糖三文魚卷，燒三文魚份量不少，面加上蟹子同焦糖，咬下去卜卜脆，甜甜地。每日限量供應既乜蟹都有丼，非常豐盛，真係蟹嘅咩都有，蟹肉、蟹膏、蟹柳、蟹子、仲有2隻蟹鉗等，非常鮮甜，連個飯都好好食，有點燒烤既氣味。第１次食鰻魚玉子燒，玉子好軟熟，配鰻魚好特別。日式炸雞個皮好薄，外脆內嫩滑，味道好好。