Chalet (已結業)

最近去咗荃灣一間比較High End 少少嘅西餐廳食飯！呢間木屋餐廳裝修都幾靚的！都幾適合一班朋友嚟慶祝生日或情侶慶祝什麼什麼紀念日的！今次我哋叫咗一個Set Dinner加一個意大利飯！先上個Set Dinner 嘅是日餐湯及前菜，今日係粟米忌廉湯加煙三文魚牛油果芝士卷，餐湯同前菜賣相都好精緻，但味道就沒有什麼特別的，之後就上個法國麵包蟹燴意大利飯，呢個菜式無論賣相及味道都值得一讚，每啖食落都有蟹肉，濃郁嘅蟹味食落又鮮甜，而且個飯嘅濕度又啱啱好，不會太硬！跟住就上埋個豬肋骨主菜，呢個豬肋骨都烤得唔錯，配埋面頭個醬汁食真係份外惹味！係旁邊嘅芝士條係可以拉絲個隻的，正呀！最後上埋個是日甜品，今日係麵包布甸，呢個細細件嘅甜品絕對比到驚喜我呀！出奇地好食又夠滑又夠綿呀！因為好多餐廳嘅是日甜品都比較Hea的！不過Set Dinner 就冇跟任何餐茶的，就連水都係要比錢買的！如果可以加返杯餐茶或比客人選擇飲普通水定比錢開支裝水就更好啦！因為水反正比咗錢開也不太想再比錢order 比其他酒水了！不竟這裡只是荃灣！