Helfit Lifestyle Club (已結業)

難得出城食飯，想話搵間餐廳食返餐fine dining，諗起早排見到個飲食專欄介紹過一間响北角嘅樓上舖餐廳，只需要親民嘅價錢，就可以品嚐到五星級嘅美食一於試下！Helfit Lifestyle Club個名好特別，好奇下上佢個網站一睇，原來係一個以食+運動+休息三個元素，帶出健康同優質生活嘅團隊，尼種概念好適合工作忙碌嘅都市人返嚟正題先，我哋今次就試左個set dinner，首先進場嘅就係前菜：日式青瓜蟹柳沙律，配料新鮮，份量都唔少！餐湯方面，我地加左錢轉龍蝦湯非常濃厚，好有龍蝦鮮味，湯入面都有唔少龍蝦肉，內質爽甜，尼個湯真係必試！主菜方面：我就揀左美國安格斯肉眼配紅酒汁，肉質唔算鮮嫩但有牛嘅香味！男朋友就揀左美國有骨豬扒，香煎大蝦配洋蔥汁，大蝦煎得剛好，有鮮味，可惜個豬扒嘅肉質有啲”鞋”口！甜品：椰子雪糕配鮮果Coffee and tea 總括嚟講，set dinner 嘅質素唔算突出，不過龍蝦湯嘅味道的確令人食指大動。或者下次可以試試 a la carte，可能會有驚喜！