Grom (已結業)

其實我真係好鍾意食雪糕，得知中環有間意大利雪糕店，又甘岩今日係中環接朋友收工，Ya~順道去食～🤤店內右邊有一角係企位，可以俾你企起度食埋先走。叫左$59細杯2隻味，開心果、啤梨。價錢實在唔平，但當我食左第一啖之後😍，果然有驚喜。🍐Pera我本身對雪葩麻麻地，但見到有啤梨味就好想試～粒粒啤梨，好天然既味道，好似將20個啤梨同時放落口度甘，係我食過最好味既雪葩😭，令我對雪葩改觀，好想試哂其他口味。😆Pistachio好香濃既開心果味，好creamy，好幼滑，好香，好有質次感，係我食過最滑既雪糕。🇮🇹佢講到明無添加人造色素、香料、任何防腐劑或乳化劑，以百份百全天然成份製成。甘天然都做到甘滑甘好食，真係要比個讚佢。搞到好想試哂所有口味，但荷包無銀兩😂，貴有價值，值得一試。