Cafe de Paris Est. in Korea (已結業)

同fd去銅鑼灣行街，行到攰攰地，想搵間cafe飲杯咖啡，食件cake。經過呢間店，被佢粉藍溝白既裝修吸引左，而且生果杯既賣相都好吸引，所以決定試一試。一入去，先自行去counter點嘢食，之後店員會比電子牌。當食物整好，電子牌就會震，咁就可以去攞嘢食啦我同fd兩個人叫左一個芒果味，一個青提子味mini bonbon share黎食，我再另外叫左杯hot cappuccinoMini bonbon 唔算好大杯，一個人一杯就啱啱好。賣相真係一流，先影相呃like。佢最上層係生果，兩款生果都好甜，毫無酸味。中間係cream，啲cream好滑好香，唔似普通蛋糕既cream，溝埋生果一齊食，唔太漏。再下面係生果沙冰，唔會稀，應該用唔少生果去打。個人比較鐘意芒果mini bonbon，因為芒果大大件，長方形，好吸引開頭以為佢主力做生果杯，咖啡會普通，點知杯Cappucino幾有驚喜喎。咖啡味好濃，唔苦，奶泡夠滑，幾出色兩個人食下傾下，坐左成兩個幾鐘，中途唔會有人趕你走。店員服務都幾好，有禮貌有笑容