Hungry Monkey (海之戀商場) (已結業)

久違嘅周圍食，今次去到荃灣海之戀，見門面幾有格調，決定試下佢。餐廳主要以鐵板煮食，坐Bar檯一邊欣賞師傅烹調一邊享用美食確係別具風味。蕃茄蒜子沙律原隻光滑番茄，入口有種淡淡蒜香，配合埋番茄爽脆口感，同淋咗濃郁得來又好refreshing嘅醬汁，帶俾人一種醒神開胃嘅感覺。冰頭漬比較少試嘅菜式，佢係三文魚頭軟骨。咬落有點嚼頭，友人覺得口感似海蜇，味道酸爽，食完隔陣仲有陣油腔，絕對係特式開胃前菜鐵板蟶子肉質十分爽彈，肉地好厚，調味唔需要太多已經品嚐到十分鮮甜。鐵板帆立貝有種酒香，口感剛好，唔會太熟，少許辣味同脆身炸蒜絕對能令鮮香提升。A5和牛坑腩炒飯鐵板鍋氣十足，上檯香氣四溢，食落米粒分明，牛嘅精華完全滲入飯內，有股牛脂香包裹住每一粒飯。最後仲叫咗啲甜品，馬卡龍口感好好同酒店水準可以媲美，鐵板疏乎厘好有特色，鬆軟唔會過甜，食完都無咩負擔。