豐鍋雞煲 (荔枝角道) (已結業)

屋企附近開左間新既雞煲，見今日涼涼地就去試下呢度既招牌雞煲有唔同既辣度可以揀，即使唔係好食得辣都唔緊要，點雞煲時可自選bb辣、小、中、大辣，甚至唔辣都得！豐鍋招牌雞煲（$168)(半隻）雞煲上檯後店員會幫手炒雞，直至炒香薑片、蒜頭同乾蔥等配料，等幾分鐘就食得！朋友唔太食得辣，所以我地點左BB辣呢度既雞煲麻味唔算太勁，但夠香😋食完雞煲之後就可以加湯打邊爐頂級雪花肥牛（$98)點左款最平既牛肉，點知質素都唔錯喎，肉味都算濃，肥瘦均勻手工即炸魚皮（$48)呢個手工炸魚皮成隻手臂咁長，見到都嚇一嚇，面頭落左好多淮鹽，好惹味，而且超香脆餃餃陣（$85)分別有鮮蝦雲吞、麻辣雲吞、韭菜餃同魚皮餃，每款有兩粒。最特別嘅係麻辣雲吞，食落去突然之間有一陣辣味湧上嚟。