鼎尚燒鵝湯館

營業中

休息中

秋高氣爽去咗山頂走一轉，行完都要搵嘢食，見到有棋哥燒鵝同鼎爺靚湯嘅合作店，裝修走懷舊風格，茶壺百子櫃吊扇都幾有情懷，有戶外位置因為呢日都幾曬所以冇坐出去~🔘燒鵝瀨粉燒鵝望落幾靚，肥瘦均勻，外脆內嫩，特別入味亦好有燒鵝獨特嘅油脂香，瀨粉滑身，香蔥另外上幾貼心，燒鵝絕對值得一試!! 🔘燉湯套餐(叉燒燒腩仔飯➕粉葛鯪魚肉赤小豆湯)燒腩仔有驚喜，外皮香脆，入口鬆化，燉湯好足料飲落好有媽媽煲嘅老火湯feel!! 🔘山竹牛肉球🔘鹹水角🔘蝦餃🔘馬蹄糕除咗燉湯同燒味仲有蒸飯、點心同懷舊甜品，仲有秋冬限定嘅臘味精選，樣樣都想食但冇咁大個胃，最後決定叫多幾樣點心試吓，每樣點心味道都唔錯當中蝦餃最好食，皮薄蝦肉彈牙，另外煎馬蹄糕都唔錯夠清甜!!