棋子燒鵝 (長沙灣道)

營業中

休息中

最近深水埗嘅長沙灣道開咗一間好新嘅燒臘店。燈光光猛，一改眾人對深水埗餐廳嘅觀感。原來係之前唔同旺區有分店嘅「棋哥燒鵝」的系列，主打的當然係燒鵝。見一場經過，門口的姐姐大力推薦之下，再入去叫咗一份加料。一如普通的燒臘店，選擇都唔少。既然主打燒鵝，加上啱啱出糧，就當然要試下。外賣好似仲有九折優惠！新開張期內仲有好多唔同嘅優惠，詳情可以問吓店員。買燒鵝加$10有雞送，都真係幾抵食！燒鵝因為用咗荔枝木嚟燒，所以食落去和聞落去都有很大真的煙熏味，同一般坊間所見到的不同。肉質仍然保持嫩滑，皮也很脆，一啲都唔鞋身。最怕就係食落去又肥膩又油，但係呢一隻燒鵝又唔會。而且返到屋企之後仍然保持微暖。配上店主自家製的酸梅醬，除了酸味，還有淡淡的甜味，配燒鵝以及白飯真係一流！