影片
更多
2022-11-13
1093 瀏覽
《餃掂手工餃子雲吞專門店 - 銅鑼灣》近排食得多濃味野，都會想食返清少少或者簡單啲，通常呢個情況我就會揀湯麵或者食餃子🥟前兩日同我嘅好姊妹喺灣仔行完街，喺囍匯附近周圍搵吓有咩好食，但嗰邊來來去去都係西餐比較多，我哋行返出少少大街，見到有間餃子店，價錢十分親民，而且口味睇落唔係平時超市可以搵得到嘅味道，慳慳地我哋嗰晚就食餃子做晚餐😆夜晚七點左右去勁多人，好多客人都係簡簡單單一碗餃子一碗麵就當一餐，我哋兩個女仔叫咗一款煎餃、一款湯餃，同埋兩個小食😂仲叫咗特飲添💁🏻♀️野生松茸素煎餃 七隻 $58松茸素煎餃個皮好薄而個餡料都幾多，一咬落去啲汁咇晒出嚟，因為個皮薄既關係，所以煎完後特別脆口😋雖然佢係素餃子入邊無肉，但係菇菌嘅味道其實都好濃郁，有時唔想食肉的話食幾隻素餃子又可以當一餐😎💁🏻♀️龍鳳松茸雙湯餃 八隻 $92龍鳳松茸餃子就即係用咗黑白松露去製作嘅一款餃子，呢一款入面有豬肉，食落又係另外一種感覺🤓餃子同埋個湯係分開上嘅，啲餃就算唔浸湯食都已經好好味，個湯飲得出係魚湯而且冇加味精👍🏻味道清新，飲完個湯成個人都好舒服😌💁🏻♀️黃金原味皮蛋 $28黃金皮蛋外皮咬落彈牙，而入面係呈流心狀態，個
近排食得多濃味野，都會想食返清少少或者簡單啲，通常呢個情況我就會揀湯麵或者食餃子🥟前兩日同我嘅好姊妹喺灣仔行完街，喺囍匯附近周圍搵吓有咩好食，但嗰邊來來去去都係西餐比較多，我哋行返出少少大街，見到有間餃子店，價錢十分親民，而且口味睇落唔係平時超市可以搵得到嘅味道，慳慳地我哋嗰晚就食餃子做晚餐😆夜晚七點左右去勁多人，好多客人都係簡簡單單一碗餃子一碗麵就當一餐，我哋兩個女仔叫咗一款煎餃、一款湯餃，同埋兩個小食😂仲叫咗特飲添
💁🏻♀️野生松茸素煎餃 七隻 $58
松茸素煎餃個皮好薄而個餡料都幾多，一咬落去啲汁咇晒出嚟，因為個皮薄既關係，所以煎完後特別脆口😋雖然佢係素餃子入邊無肉，但係菇菌嘅味道其實都好濃郁，有時唔想食肉的話食幾隻素餃子又可以當一餐😎
💁🏻♀️龍鳳松茸雙湯餃 八隻 $92
龍鳳松茸餃子就即係用咗黑白松露去製作嘅一款餃子，呢一款入面有豬肉，食落又係另外一種感覺🤓餃子同埋個湯係分開上嘅，啲餃就算唔浸湯食都已經好好味，個湯飲得出係魚湯而且冇加味精👍🏻味道清新，飲完個湯成個人都好舒服😌
💁🏻♀️黃金原味皮蛋 $28
黃金皮蛋外皮咬落彈牙，而入面係呈流心狀態，個醬汁酸酸地好開胃，$28嚟講咁多件算係好抵食
💁🏻♀️四川涼皮 $32
朋友好鍾意食涼皮，不過呢一個四川涼皮真係好辣下😂佢個辣嚟得慢，食咗幾啖之後個辣度會慢慢湧上嚟😆後勁好強😅我哋兩個都要即時叫嘢飲止辣，其實佢嘅味道唔錯㗎，酸酸辣辣仲有好大量花生碎喺面，涼皮爽爽地又帶少少咬勁，將所有嘢攪拌埋一齊食就得啦
💁🏻♀️山楂雪梨水 $20
因為近排天氣都幾反常，我哋當日去嘅時候比較涼，朋友想飲返啲潤喉嘅嘢，所以佢就揀咗凍嘅山楂雪梨水，同埋當時食完嗰涼皮之後變咗孖膶腸嘴😂真係要搵啲凍嘢飲先搞得掂，雪梨水唔會太甜，飲落清潤唔漿喉
💁🏻♀️蜂蜜檸檬薏米 $20
我就點咗蜂蜜檸檬薏米，因為近排有少少水腫，飲薏米檸檬去一去濕毒都幾好，同樣地我都係叫咗凍飲，因為個涼皮嘅後勁太勁啦😂我平時都幾食得辣嘅，但佢呢一個係慢慢滲個辣度出來🥵蜂蜜瞬間幫到我止辣🫶🏻
當晚我哋的確係叫多咗少少嘢，兩個人食埋單好似係$250😌其實都係百零蚊一位，比起平日食嘅嘢嚟講算係好平👍🏻仲要係好好食😋如果大埔區都有呢一間餃子店嘅話我一定經常買生餃子返屋企自己整嚟食😛
張貼
