享慢煮意 (形點 I) (已結業)

元朗Yoho戲院附近都有唔少餐廳，方便夜晚睇戲前後醫肚。今次試左享慢煮意嘅3-Courses Menu✨ 頭盤有餐湯同3款牛角包揀，我試嘅係招牌龍蝦湯流心牛角包。包身牛油酥皮香又脆，切開係熱又濃郁嘅龍蝦湯流出黎，伴埋一齊食感覺好新穎✨頭盤要左法國油封鴨髀配香煎鴨肝，先講鴨肝肥美又香軟，入口香味四溢😋油封鴨腿夠曬份量，肉味非常濃郁，肉質嫩，保留到肉汁。最後歎埋真空慢煮芝士蛋糕，芝士打到好香滑，配上稍酸嘅莓醬，平衡味道解解膩。黑松露慢煮流心蛋意粉$148呢個流心蛋都係非常靚仔嘅狀態，吹彈可破。黑松露香味突出，意粉有咬口。呢度環境同裝修亦不錯，行開Yoho不妨一試☺️