元洲牛肉麵 (通菜街) (已結業)

行街行到無地方去，就同男朋友早啲食晚餐，6點去到見餐廳員工食緊飯有啲唔好意思，但佢地都好熱情招呼，而且上菜速度都唔錯。📍麻辣木耳爽口木耳，帶有麻辣香味，係開胃嘅前菜📍招牌牛肉麵湯底帶有少少藥材味，感覺補身，而且湯底濃郁。大大片牛展，咬左一啖意外驚喜係好唸身，超級入味。牛筋一樣大大舊，但都係超軟身，一咬即斷，索哂湯底味，非常有水準。📍牛腩乾拌麵招牌大大塊嘅牛腩，同樣係比想像中軟唸，闊條麵吸哂牛腩嘅汁香味，即使係拌麵都唔會覺得太乾無味，充滿濃郁嘅牛味😋🔹🔹🔹🔹🔹🔹🔹🔹🔹🔹#元洲牛肉麵 (通菜街) (旺角)旺角通菜街80號地舖🔸🔸🔸🔸🔸🔸🔸🔸🔸🔸#旺角好食 #旺角食好西