糖老鴨 (已結業)

當時本人好熱既關係 毫不猶豫就點左綿綿冰 綿綿冰芒果味都重 今次既芒果都甜 加埋D爆珠.椰果同太耐冇食關係 所以好味🤣-而香蕉船隻🍌未夠熟 食落口有D硬同酸！雪糕似用雀巢雪糕 加埋兩枝朱古力條.窩夫餅.Cream同彩針 冇特別純粹食返D經典野！但🍌唔熟令到佢麻麻！-呢間多人推介係食窩夫 但上次太熱同唔想太滯住肚就冇叫到 所以隔咗一星期就黎多次淨食窩夫！蜂蜜肉桂窩夫 肉桂味濃 配埋雪糕 揀咗曲奇味雪糕 兩者好夾 一涷一熱咁食幾過癮🤣-另一款朱古力香蕉窩夫 揀咗朱古力雪糕！食落成口都係朱古力味 起初以為會甜到漏 但其實食落唔算太甜 我地覺得啱啱好 再配埋香蕉😋而今次既香蕉就熟晒啦 夠哂甜👍🏿