想點啡 (已結業)

周末想去飲杯咖啡慢活一下，同朋友去左大埔試下呢間小店。十二點幾去到，外面已經排緊隊。大概等左15分鐘就可以入去。食物選擇唔多，今次有三款。我揀左炭燒雞扒本菇菠菜忌廉清湯意粉，朋友揀左鮮蝦冷蕎麥麵配蜜糖餐包。我本身想試creme brulee咖啡，點知賣哂，於是就叫左熱朱古力。朋友就叫左紫薯latte。是日menu咖啡menu咖啡menu茶menu飲品menu甜品menu甜品menu熱朱古力。味道一般，隻杯好得意炭燒雞扒本菇菠菜忌廉清湯意粉。雞扒既照燒汁好入味，都幾腍。有淡淡既菠菜味，意粉既分量都幾多。朋友既鮮蝦冷蕎麥麵配蜜糖餐包、紫薯latte。鮮蝦冷蕎麥麵不過不失，冇咩亮點。餐包好香。紫薯latte真係不得了，我飲完「哇」左一聲。朋友見到我咁大反應都即刻試，又係哇一聲。超濃紫薯味，濃過哂我以前試過既紫薯latte。入面仲有一絲絲既紫薯，飲到底發現佢有紫薯蓉。黎既朋友如果唔飲咖啡，強烈建議試紫薯latte！今次可惜試唔到creme brulee咖啡，遲d搵機會再黎試下先！