K-Palace

營業中

休息中

喺黃埔做完野，同同事黎左呢間韓國人開嘅餐廳，地鐵站行過嚟幾分鐘，位置方便易搵，環境乾淨舒適，食飯氣氛幾好，而且食物質數相當有水準，下次仲想試多啲其他菜式！醬油蟹飯（$188）呢度嘅醬油蟹好入味，口感滑嫩，醬汁調味好出色，帶點小辣，蟹肉夠曬鮮嫩。配上紫菜飯食真係一絕，來多一碗都無問題！燒牛仔骨（$238）一上枱香噴噴，估唔到份量咁大，肉質非常軟腍，好容易咬開，味道香香甜甜，越食越滋味，好耐未食過咁正嘅牛仔骨啦！