影片
更多
2021-06-27
1600 瀏覽
父親節當晚我哋去咗無肉食荃灣店食飯，依家無肉食嘅晚餐係全自助餐嘅模式，所以入座前要先付款，跟住就可以揾位、攞野食。由於疫情，每次攞野食都要用新嘅碗碟，唔可以重用自己用過嘅碗碟。食完將碗碟收拾好、放係回收區即可。前菜: 蘋果沙律、涼拌皮蛋、秋葵、紅菜頭、酸蘿蔔、蓮藕、冷麵、麻辣雲耳、珊瑚草、肉鬆茄子、羽衣甘藍、車厘茄、涼拌青瓜、哈蜜瓜哈蜜瓜食落有少少苦，唔知係咪因為唔新鮮。小食: pizza、野菌多士、壽司、炸春卷、炸茄子、炸蕃薯、炸芋頭、炸靈芝菇、地瓜丸、煎堆、炸饅頭、炸蛋散、蘿蔔糕、馬蹄糕無肉食嘅炸物一直都好好食、好脆口，炸靈芝菇用辣椒炒過，所以食落辣辣哋，幾好食。壽司入面卷住腐皮同青瓜，表面再加上千島醬，不過感覺比較普通。小菜: 韓式炸雞 (炸椰菜花)、蕃茄炒蛋、生菜包、炒菜心、腐乳通菜、椰汁香芋、欖菜炒淮山萵荀、欖菜肉碎炒四季豆、欖菜蒸翠玉瓜、金菇扒節瓜、冬菇炆蘿蔔、薯仔粒炒三色椒、蒸南瓜……必試韓式炸雞，佢用咗椰菜花代替素肉扮炸雞，口感好特別、冇咁膩。部分菜式比較鹹，例如欖菜炒四季豆，所以食小菜時配埋白飯黎食會比較好。主食: 炒麵、皮蛋粥、白飯皮蛋粥超好食，皮蛋煮到溶咗入粥入面
由於疫情，每次攞野食都要用新嘅碗碟，唔可以重用自己用過嘅碗碟。食完將碗碟收拾好、放係回收區即可。
前菜: 蘋果沙律、涼拌皮蛋、秋葵、紅菜頭、酸蘿蔔、蓮藕、冷麵、麻辣雲耳、珊瑚草、肉鬆茄子、羽衣甘藍、車厘茄、涼拌青瓜、哈蜜瓜
哈蜜瓜食落有少少苦，唔知係咪因為唔新鮮。
小食: pizza、野菌多士、壽司、炸春卷、炸茄子、炸蕃薯、炸芋頭、炸靈芝菇、地瓜丸、煎堆、炸饅頭、炸蛋散、蘿蔔糕、馬蹄糕
無肉食嘅炸物一直都好好食、好脆口，炸靈芝菇用辣椒炒過，所以食落辣辣哋，幾好食。壽司入面卷住腐皮同青瓜，表面再加上千島醬，不過感覺比較普通。
小菜: 韓式炸雞 (炸椰菜花)、蕃茄炒蛋、生菜包、炒菜心、腐乳通菜、椰汁香芋、欖菜炒淮山萵荀、欖菜肉碎炒四季豆、欖菜蒸翠玉瓜、金菇扒節瓜、冬菇炆蘿蔔、薯仔粒炒三色椒、蒸南瓜……
必試韓式炸雞，佢用咗椰菜花代替素肉扮炸雞，口感好特別、冇咁膩。部分菜式比較鹹，例如欖菜炒四季豆，所以食小菜時配埋白飯黎食會比較好。
主食: 炒麵、皮蛋粥、白飯
皮蛋粥超好食，皮蛋煮到溶咗入粥入面，所以見唔到有皮蛋粒，但成碗粥都食到好香濃嘅皮蛋味，粥亦煲到好綿。就算飽，我都忍唔住食多碗粥。
甜品: 香芋拔絲、芝士蛋糕、芝士撻
香芋拔絲外脆內軟，但咁啱我夾嗰舊比較大件，食完好頂肚。一咬芝士撻，入面嘅芝士即刻流出黎，撻皮亦好脆身。
糖水/ 湯: 紅棗圓肉杞子、椰子湯
飲品: 檸檬水、烏梅汁
價錢: $128 (晚餐)
張貼
