明記 • 潮鍋 (已結業)

好耐未食過咁生猛嘅海鮮火鍋，店內環境好乾淨企理，店員服務態度非常好，仲教我地淥海鮮嘅時間💓見到有蘋果雪梨湯鍋，未試過呢個湯底就一於揀黎試吓，唔試唔知，原來個湯真係好鮮甜，同海鮮好夾叫咗至尊海鮮套餐B，好大盤好正😍東瀛刺身拼盤🈶三文魚、北寄貝、八爪魚、希靈魚、油甘魚，樣樣都好鮮甜肥美波士頓龍蝦海鮮盤有波士頓龍蝦、鮮活鮑魚、蟶子王、大元貝仲有6️⃣款廚師發辦海鮮，包括台山桶蠔、基圍蝦、貴妃蚌、沙白、本灣鮮魷、生劏龍躉片及生劏白鱔片隻隻都好新鮮生猛，送到黎仲係識郁㗎，我自己就最鍾意以下幾款👇🏻龍蝦、鮑魚 ➕ 海蝦嘅肉質好鮮嫩彈牙帶子十分厚肉鮮甜，蟶子及貴妃蚌都冇沙，入口鮮味多汁今次一次過試晒十款海鮮，款款都新鮮美味😋真係超滿足我哋仲叫咗安格斯牛肉，脂肪花紋分布得好靚，入口牛味香濃，又唔會嚡口手打四寶丸有鮮蝦丸、墨魚丸、豬肉丸及鯪魚丸，粒粒都非常爽口彈牙，我就比較鍾意鮮蝦丸同埋墨魚丸黑柏葉記得唔駛淥太耐，否則就唔爽脆鴨血口感十分可口嫩滑飲品揀咗檸檬百香果茶，飲落唔會太酸，仲有點兒清新嘅檸檬味竹蔗茅根汁唔會過甜，味道剛剛好