Catee (已結業)

威靈頓牛柳大家就食得多，今次黎呢間餐廳轉下口味，試下威靈頓三文魚扒。三文魚扒以酥皮包裹再放入焗爐焗，烤焗後的威靈頓三文魚外層酥脆，切開三文魚扒呈誘人粉紅色，肉質依然鮮嫩鬆軟，生熟程度控制得剛好。肉汁依然保留到，而且完全冇魚腥味。當日我地8點左右到餐，點左最後一份威靈頓三文魚扒，如果想食的朋友就早d去食啦!西班牙黑毛豬辣肉腸炒飯用上西班牙米飯，煮得外軟香口，有微微的飯焦香，每粒米飯都吸收曬鮮濃的湯汁。配埋惹味的辣肉腸同埋黑毛豬肉粒，咸香十足，帶點香辣，更添一份火辣滋味。用料沒有一般海鮮西班牙飯的用料華麗豪華，但更鮮香惹味。黑松露薯條係散叫的小食，黑松露味道好突出，而且薯條份量好多，又香脆，不錯!!