五月星牛肉麵

營業中

休息中

星期四洗完牙之後，夜晚約左朋友一齊食飯，去左食台灣菜，我地叫到成枱都係野食。招牌紅燒牛肉麵湯底濃郁，欣賞佢啲牛肉大舊兼且夠腍，麵質唔錯，又大大碗，讚。蜂巢牛肚拌麵牛肚有好多舊而且好厚身，拌麵揀左古早味，即係撈滷肉黎食，麵質口感滑溜，好惹味。刈包呢個有驚喜，個包本身好軟熟，夾住豬腩肉、酸菜、青瓜、花生碎一齊食，整體好夾，必食。依家like同share佢地個社交平台就可以以$10食到綜合三寶: 素雞卷、香芋丸、地瓜條。超級抵食，最開心係有我鍾意食既香芋丸。蒜泥白肉肉質軟腍，醬汁幾好食。麻辣鴨血鴨血唔腥，幾好咬，辣辣地甘。甜不辣即炸熱辣辣，美味可口。白灼時蔬叫左碟菜食，健康啲嘛。試管鹽酥雞有好多種口味既調味粉俾你自己落，任君選擇，食落香脆可口。飲品叫左珍珠奶茶同抹香綠茶(少甜)。後尾追加一杯百香果紅茶(少甜)。