人和月雞煲火鍋店 (已結業)

平時喺尖沙咀行街行到攰，唔知有咩嘢食又好味又坐得耐，今次俾我哋無意間搵到依間叫做人和月雞煲，任飲任食兩個鐘，估唔到嘢食嘅質素超級高😆首先一入到嚟，依度嘅環境好闊落，所以坐得好舒服，重點係嘢食超級高質，而且勁抵食，除咗你嗌嘅火鍋之外，出邊仲有好多嘢食可以任拎，只要你食得晒嘅都可以隨便食🥳 種類仲要好多元化，包括有甜品🍮飲品同埋角色嘅蔬菜、丸等等，最令我驚喜嘅係居然有台灣嘅甜品，例如芋丸同埋涼粉，係我嘅最愛💗😛我哋叫咗一個和牛海鮮雞煲，必食推介！首先依度嘅和牛種類都好多元化，特別推介嘅係牛肩肉，肉質好鮮嫩，食落去超香嘅牛味，另外雪花肥牛都係另一樣嘅必食推介🥳仲有仲有！呢度嘅海鮮都好高質，雖然係放題，但係餐廳絕對唔會敷衍你，尤其是係鮑魚同埋蜆，味道好鮮甜✌🏻