뽀끼 正宗韓國小食 (已結業)

好掛住韓國的街頭小食，行街經過呢度，見到網評唔錯，就係度食小食啦，話就話小食，其實飽的程度完全是正餐黎。奧丁$15 ～ 最掛住的是這個街頭韓國魚糕串，呢串魚糕厚而軟又爽，有點像魚蛋的味道，個湯有鮮味少少辣，好似韓國咁可以添飲呢。炒粉絲$38～呢個粉絲無肉的，有洋蔥、菇同椒絲做材料，都算豐富，粉絲水晶晶的，調味算幾濃味，咸咸甜甜咁。星星炸雞$38 加芝士$5～因爲唔係脆卜卜的，感覺無咁熱氣，本身已有豐富的蜜糖芥末醬，夠香甜，加上芝士半溶有少少拉花，雞件有四件熱辣辣，咬落多汁又嫩滑，加上醬汁勁惹味，可能是來自韓國的雞，讚！四件大大的好夠飽～店內的靚靚妹妹服務幾好，得閒過去食串魚糕支持下佢先，話時話香港好似好少呢d 魚糕食，呢間算幾特別。