回憶客棧

營業中

休息中

長沙灣區新發現，呢度嘅招牌花甲份一定要叫😋 價錢平，味道唔錯。佢入邊嘅粉絲索晒湯，所以幾入味，我揀咗BB辣，少少蔥；佢仲有啲蒜蓉，所以好香。花甲份量都唔少，而且冇沙夠甜。呢個係抵食！除咗招牌花甲份，仲有串燒。串燒叫咗雞翼，賣相燒得唔錯，有孜然粉味，唔會太咸，幾香！雞軟骨幾大粒，有咬口。和牛串就稍為老咗少少，但係牛味都幾香。另外海鮮叫咗燒鮑魚及燒蝦，一份有四隻。鍾意佢鹽燒，好香。蝦肉都正常。燒鮑魚面上有蒜蓉，我覺得都算唔錯。小店因為人手唔多，而且有好多外賣，所以食物就會等耐少少；但係平民價錢、食物質素唔錯，值得支持！