Terrace in seaside (海運大廈)

營業中

休息中

繼續善用飲食券😆雖然海港城嘅飲食券出咗好耐，但其實佢嗰個餐廳名單不停更新緊㗎！知道Terrace in Seaside都榜上有名，嗱嗱臨同屋企人去食！濟州柑橘乳酪——一嚟已經被佢杯嘢吸引咗！半個橙皮作為裝飾，紙飲筒穿過橙皮，酸酸甜甜嘅柑橘乳酪，好醒胃夢幻紫薯牛奶——飲落去有香濃嘅紫薯同埋牛奶香味，呢隻粉紫色究竟俘虜左幾多少女嘅心！無骨炸雞濟州柑橘炸雞——呢個係我認為最出色嘅！頭先已經飲咗佢嘅柑橘乳酪，但係柑橘味嘅炸雞又係另一番風味！炸雞嘅肉質非常嫩滑，炸到啲皮卜卜脆，就算呢隻醬汁配薯條都一樣咁好食，必食！泡菜燉五花肉蛋包飯——蛋包飯整得非常之靚，五花肉燉到好林！配上kimchi又夠韓國風味，又夠新穎！傳統紫菜包飯，真係好傳統，冇乜太大驚喜但好食！喺呢就不得不點甜品Tiramisu + 水果忌廉三文治！超鍾意佢隻忌廉，唔係一般pancake入面嗰啲蛋糕忌廉呀！麵包又夠鬆軟，明明已經食到好飽都食得落🤭🤭