L'attitude (已結業)

呢個M佬今日拋低我去搵Friend，你以為淨係你識搵豬朋友? 我A姐今日就一於同閨蜜嚟堅尼地城嘅L’attitude撑枱腳，食棉花糖雪糕。一入到餐廳，就見到大大隻熊仔，仲有好多雲嘅掛飾，真係啱晒我哋兩個咁靚靚嘅女神。香煎帶子羽衣甘藍意大利麵食甜品之前，都要醫下嗰肚先。嗰意粉一嚟到，就見到好多羽衣甘藍，好足料喎。帶子好厚肉，煎到甘香，外脆內軟，入面仲好Juicy。意粉就炒得啱啱好，食落有啲辣味，好開胃。肉眼好厚身，油膩豐富，肉質鮮嫩，牛味鮮濃，配埋少少甜嘅黑醋汁，就好Fresh！值得一讚嘅係連配菜都好好味，薯蓉比其他餐廳有口感，粟米又烤得好香，絕對係超甜粟米。熊貓軟雪糕終於等到主角啦！大家睇下呢隻熊貓幾可愛，嗰頭係棉花糖，而五官就係由朱古力組成，真係靚到唔捨得食呀！熊貓棉花糖下面就係韓國Ruimilk朱古力軟雪糕，入口柔滑，仲有啲朱古力脆脆，好有口感呀！不過食完棉花糖，嗰雪糕就唔甜lu！