多多雞大排檔

營業中

休息中

今晚提早慶祝母親節，母親大人最鍾意食大排檔，所以今晚安排左一間母親大人最鍾意既大排檔食晚飯，呢間大排檔就係又一新城後面，有室內同室外座位，仲開到凌晨四點，今日雖然係平日，我地已經6點幾黎到，都已經好多人，坐底一定要叫左個燒雞先，因為燒雞係即燒，要d時間。招牌即燒炭火靚雞燒雞好香炭火味，外皮燒到香脆，肉質依然嫩滑，油味香濃，燒雞會原隻上，可以用手撕，亦可以用較剪剪，唔想自己落手，可以叫店員幫手切開。爽滑生腸啫煲生腸非常滑嫩，口感清爽，上檯時鑊氣十足。生菜啫啫煲唐生菜爽脆，味道咸咸香香，好惹味。