影片
更多
2019-01-22
1014 瀏覽
同朋友玩完健身，又係時候搵野食啦！行到去佐敦，唸住搵間茶餐廳食個切雞飯啦！見到e間餐廳坐滿晒人，咁我都無睇餐牌就入左去啦！坐低左之後，望下個餐牌，唔係平時茶餐廳嘅級數，係一間專做牛腩嘅餐廳，重話係用新鮮牛腩，咁我地就點左個澳門咖哩薯仔招牌牛腩啦，個人認為招牌其實就真係唔可以亂認呀！做衰左就會好大鑊呀！另外第二個菜我地都諗左好耐，唔知食咩好，跟住就同位哥哥吹下水，問佢食咩好啦，哥哥好強烈推介個獨創即煎酒糟肉餅，好啦，信你一次，最多中伏就以後無幫襯啦，再加多個鮮茄濃湯。p. S. 店員都幾好傾同幾有禮貌，讚。蕃茄湯到啦！到好足料，絕對唔係茄汁煲茄膏，同埋真係好有住家湯媽媽嘅味道。之後招牌咖哩牛腩出場啦，賣相可以接受，而放上枱之後都有陣陣嘅咖哩味，真係聞到都預測到自己會食兩碗飯呀！咁就試下啦，佢面頭係牛腩，底部係薯仔，非常合理。牛腩夾落去唔會話散晒，師傅時間控制得好好，咁就跟住放落口啦，非常香口嘅牛味，牛腩有肥有瘦，腍滑不黐牙，牛腩炆得非常腍及入味，非常酥香，絕對係一級貨，咖哩都非常香口，因此我已經清左一碗飯啦。跟住到肉餅出場啦！賣相都幾好，一人有一大塊食。咁就試下先啦，食之前其實都無咩期望
坐低左之後，望下個餐牌，唔係平時茶餐廳嘅級數，係一間專做牛腩嘅餐廳，重話係用新鮮牛腩，咁我地就點左個澳門咖哩薯仔招牌牛腩啦，個人認為招牌其實就真係唔可以亂認呀！做衰左就會好大鑊呀！另外第二個菜我地都諗左好耐，唔知食咩好，跟住就同位哥哥吹下水，問佢食咩好啦，哥哥好強烈推介個獨創即煎酒糟肉餅，好啦，信你一次，最多中伏就以後無幫襯啦，再加多個鮮茄濃湯。p. S. 店員都幾好傾同幾有禮貌，讚。
蕃茄湯到啦！到好足料，絕對唔係茄汁煲茄膏，同埋真係好有住家湯媽媽嘅味道。
之後招牌咖哩牛腩出場啦，賣相可以接受，而放上枱之後都有陣陣嘅咖哩味，真係聞到都預測到自己會食兩碗飯呀！咁就試下啦，佢面頭係牛腩，底部係薯仔，非常合理。牛腩夾落去唔會話散晒，師傅時間控制得好好，咁就跟住放落口啦，非常香口嘅牛味，牛腩有肥有瘦，腍滑不黐牙，牛腩炆得非常腍及入味，非常酥香，絕對係一級貨，咖哩都非常香口，因此我已經清左一碗飯啦。
獨創即煎酒糟肉餅
$98
30 瀏覽
0 讚好
0 留言
跟住到肉餅出場啦！賣相都幾好，一人有一大塊食。咁就試下先啦，食之前其實都無咩期望，但係一食落去果下就發覺自己錯左啦，我成三十幾歲人都未食過咁好味嘅肉餅呀！肉餅口感彈牙，蒸嘅時間係非常精準，而且真係有豬味，係豬嘅香味，煎一煎之後就更加香口，而佢最特別之處就係係肉餅入面加入酒糟，我都好好奇味道點解會咁夾，有肉嘅香味而d酒糟味陣陣咁散發出黎，最後都又清多左一碗飯。同埋將所有野清晒。
咁食飽之後就埋單啦，係門口見到位疑似老闆嘅靚仔，我忍唔住同佢講話個肉餅非常好味，呀老闆好自豪話個肉餅係佢自創呀！另外個酒糟係佢自己浸呀！啤，都幾有heart wor! 佢就話自己所有野都係新鮮呀！今時今日對味道同食材有要求嘅餐廳真係愈來愈少啦！我一定一定會再幫襯，強烈推介。
張貼
