Cafe Paradise (杏花邨) (已結業)

今日走到去杏花新城搵野食，黎到呢一間Cafe Paradise，環境保置好特別，有旋轉木馬好似去左遊樂場甘，坐位舒適！睇睇個menu，石燒牛扒係餐廳既主菜，其他食物Pasta、Risotto、pizza、snack、甚至甜品都大把選擇，一定搵到你中意既食物石燒紐西蘭牛柳加30蚊有埋沙律、蕃茄湯餐飲同甜品，可以選擇配飯、意粉或者薯角，薯角好香脆，點茄汁一流，用石版燒紐西蘭牛柳感覺好新鮮，肉質好林好正，店員提示係要用牛柳點呢兩款醬，而唔係把醬倒落石版，啡色燒汁甜甜地不錯，而黃色係蒜蓉醬，更加濃味。煙三文魚黑松露海蝦意大利寬條麵寬條麵沾滿濃郁既黑松露忌廉，非常夠味，而且份量都夠多，蝦都好彈牙，食材質素不錯。心太軟石燒餐加左30蚊再加25蚊就可以由原本既甜品啫喱昇級為心太軟，濃郁既朱古力味，亦都有流心既效果，加埋雪糕球，一凍一熱，滿足而歸！